Palembang, BeritaRakyatSumatera – Berita Hiburan: Kejadian malam Selaso ngejut ke nian, lagi duduk santai di teras rumah ado ketuo eRTe datang, ngenjuk kabar lemak.

“Besok lur kamu duo laki bini dak usah lagi keluar rumah, dak usah jualan pempek dulu, karno ado kabar bagus, untuk sementaro waktu, pemerintah nak ngenjuk sembako, dan sembako-nyo kagek dianter ke Rumah, gawe kamu cuma disuruh bepenyap dalam rumah,” uji ketuo eRTe.

Kabar lemak  itu, langsung dienjuk tau ke bini nyo, Mi.. besok Pipi dak nak mencari lagi, belum selesai ngomong lakinyo, bininyo la njawab alangke pakam Pipi..!!, makan nak lemak teduk nak nyenyak … mencari dak galak, pedio kendak an Pipi nih…

Dengarke dulu Mimi tuh.., eRTe tadi datang ngatoke kito disuruh mantabz.. mantabz… di rumah, katonyo tugas kito cuma bepenyap, dak perlu betemu dengan wong, ngobrol bae pakai Henpon (HP) kato eRTe. Ado istilah pulo Mi.., cak ngomong inggris eRTe tadi.. apo dio Pi.. ntah lah…. …ujung kato nyo cing.. cing…”oh canteng maksudnyo Pi.. bukan Mi, dem ai aku lupo…

Nah.. itu mpai cocok Pi.., kito pacak nambah budak kalu mak itu, uji bininyo.. lakinyo senyum-senyum kelambit.., Sesuai janji, besoknyo ketuo eRTe datang, makmano pak eRTe, mano sembako untuk aku…

Ai…saro lur nak dapat, ngapo mak itu pak eRTe, katonyo pacak dapat kalu kamu tepapar cuvid dulu, cuvid yang cak di Tivi pagi..siang..malam.. itu pak eRTe yo, iyo lur.. mulut tengangap cak keong sambil ngomong.. ai kalu mak itu nak ngajak demam rasan tu..

Pak eRTe balek la, payo lur.. amen mak itu.. dak metu ke kopi dulu apo lur, cepat nian nyuruh balek ni, ai lain kali bae Te.. aku nak ngomong dengan biniku dulu, Mimiii…oi apo sayang…..uji bini nyo dengan sexsi tesenyum gondang, sembako kito tadi ditaroke dimano Pi, ku dengar suaro eRTe la datang, uji bininyo.

Biso dapat kalu kito tepapar cuvid Mi kato eRTe…ai mak…nak gilo syarat tu Pi…kemano nak nyari cuvid itu,uji tetanggo itu tu, mahluk cuvit tu mahluk halus, dokon mano yang pacak njingok nyo yo Pi..

Oi Mi cuvid itu tu, bukannyo  yang ado cak di utak Mimi.. cuvid tu penyakit, makonyo jangan nonton sinetron terus, cubo baco online beritarakyatsumatera.com jadi tau perkembangan dunio…

…ai kalu itu aku pernah mbaconyo…alamak.. nak nyuruh keno penyakit mpai nak ngenjuk sembako.

Na.. na.. na.. ngadon mpek mpek la idak subuh tadi, nak gilo gawe tu Pi…yo nian Mi.. KEMANO NIAN DUIT BETERLIUN itu Mi..? NAK NGENJUK SEMBAKO, KALU KITO KENO PENYAKIT DULU, SEMENTARO KITO DISURUH BEPENYAP DI RUMAH, AI MAK.. RASAN TU, Payo Mi kito masok kamar.., dak usah meker itu lagi… lah ado Aturan galo Mi… Nah.. kito la kepalang dak mencari, kito sukseske program KB bae Mi.. hiks.. hiks..,” kato lakinyo nyegir kudo…(asm)