PALEMBANG, Berita Rakyat Sumatera – Berita Hiburan: Lalamo dak betumu ado yang ngendaki mangcak datang ke kotanyo, pagi siang malam tilpun mangcak Jun bebunyi terus dak diangkatnyo.

Dak tau ngapo mangcak berat nak ngangkat paggilan tilpun. Apo karno lagi di tempat landasan yang lamo tu… atau lagi physical distancing cak uji maha rajo.

Malam berikutnyo,  tilpun mangcak Jun bebunyi lagi.. karno ado raso rindu dengan landasan yang bagus, tempat biaso pesawat mendarat, mangcak jun ngangkat tilpun.

Halo ayang… apo kabar uji bicek Meli, seduh seduh manjo suaro di tilpun. Mangcak jun jawab, kalu kabar baek nian, aku rindu nian samo awak bicek Meli, mangcak jun merayu sendu.

Kalu rindu ngapo dak datang tempat  bicek, bicek ni rindu dak ketahanan..,

Bukan dak galak datang cayang, Prett.. tempat mangcak jun ni lagi zona abang. biarlah zona abang yang penting bicek dak zona abang pulo untuk mangcak Jun hi..hi..hi.. bicek Meli ketiwa-tiwi.

Hiks..hiks…mangcak jun ketawo jugo cak keong ngangap.. bicek Meli nanyo ke mangcak Jun, Pedio reti zona abang tu ayang…. da tu ngapo pacak jadi zona abang, uji bicek betanyo cius nian…

Zona abang ni ditetapke oleh menteri kesehatan, gara-gara banyak yang keno cuvid, sudah itu mengko mak rajo beati-ati biar dak menyebar ke banyak wong lain, uji mangcak jun serius menerangkan.

Ai nak pembuhung ku jingok di Fb, wong tiap pagi masih banyak di pasar, sudah itu dak pulok banyak igo yang makai masker kalu keluar rumah.

Dasar bae mangcak jun dak galak ndarat ke pesawat kesini…landasan kito masih bagus, aspalnyo masih mulus, cuma memang la lamo dak di timpo ujan..hi..hi..hi..

Cius ayang, gawe nyetir pesawat samo ndaratke pesawat gawe kito  nian, dak usah diraguke lagi… tungulah mak rajo la ngusulke, zona abang itu dicabut.

Mudah-mudahan mak rajo terti men ngumpul ke uwong ni bahayo, sudah itu uong yang di kumpulke terti jugo, bukan asal njilat-njilat mak rajo, uji mangcak jun menerangkan.

Oh..oh..mak itu yo…kalu mak itu biarlah bicek Meli nyari dulur saoudara sesusuan bae untuk rewang cerito senggol cak nov upss..… yo lajulah jangan neman igo makan nanas tu, uji mangcak jun bepesan betok ngeram.(asm)